Telerau ac Amodau

1. Yr hyrwyddwr yw: Veg Power CIC
2. Mae’r gystadleuaeth yn agored i breswylwyr y Deyrnas Unedig sy’n 16 oed neu’n iau, ac eithrio cyflogeion Veg Power ac ITV a’u perthnasau agos, ac unrhyw un sydd fel arall yn gysylltiedig â’r ymgyrch, y sefydliad neu’r broses o feirniadu’r gystadleuaeth.
3. Nid oes yna ffi gofrestru, ac nid oes angen prynu dim i gymryd rhan yn y gystadleuaeth hon.
4. Derbynnir cynigion trwy’r ffurflen sydd ar eatthemtodefeatthem.com yn unig; ni dderbynnir unrhyw gynigion trwy’r post, trwy e-bost na thrwy’r cyfryngau cymdeithasol.
5. Dim ond un cynnig a dderbynnir gan bob unigolyn. Bydd cynigion lluosog gan yr un unigolyn yn cael eu gwahardd.  Pan fydd defnyddiwr yn gwneud sawl cais, y cais olaf bydd yn cael ei ystyried yn unig yn ddibynol ar yr amser anfon sy’n cael ei recordio ar system Veg Power.
6. Y dyddiad cau ar gyfer cymryd rhan fydd 23:59 16 Ebrill 2023. Ni chaniateir unrhyw gynigion pellach ar gyfer y gystadleuaeth ar ôl y dyddiad hwn.
7. Ni ellir derbyn unrhyw gyfrifoldeb am gynigion na ddeuant i law am ba reswm bynnag.
8. Mae’r hyrwyddwr yn cadw’r hawl i ganslo neu ddiwygio’r gystadleuaeth a’r telerau ac amodau hyn heb unrhyw rybudd yn achos trychineb, rhyfel, aflonyddwch sifil neu filwrol, gweithred gan Dduw neu unrhyw achos gwirioneddol neu ragweledig o dorri unrhyw gyfraith neu reoliad perthnasol, neu unrhyw ddigwyddiad arall y tu hwnt i reolaeth yr hyrwyddwr. Bydd yr hyrwyddwr yn rhoi gwybod i’r rhai sy’n cymryd rhan am unrhyw newidiadau i’r gystadleuaeth, a hynny cyn gynted â phosibl.
9. Nid yw’r hyrwyddwr yn gyfrifol am fanylion anghywir am y wobr a roddir i unrhyw ymgeisydd gan unrhyw drydydd parti sy’n gysylltiedig â’r gystadleuaeth hon.
10. Y wobr yw un o 100 o setiau K’nex Building.  Mae’r wobr fel y nodir, ac ni chynigir unrhyw arian parod nac unrhyw beth arall yn ei lle. Mae’r gwobrwyon yn anhrosglwyddadwy. Mae’r gwobrwyon yn dibynnu ar argaeledd, ac rydym yn cadw’r hawl i amnewid unrhyw wobr am wobr arall o werth cyfwerth heb roi rhybudd.
11. Dewisir y 100 o enillwyr ar hap o blith y cynigion hynny sydd â’r ateb cywir, ac fe’u dilysir gan yr Hyrwyddwr a/neu ei asiantiaid.
12. Rhoddir gwybod i’r enillwyr trwy e-bost cyn pen 28 diwrnod i’r dyddiad cau, a gofynnir iddynt nodi eu manylion ar ffurflen we i hawlio’r wobr. Os na ellir cysylltu ag enillydd, neu os na fydd enillydd yn hawlio ei wobr cyn pen 28 diwrnod i gael gwybod, rydym yn cadw’r hawl i  dynnu’r wobr yn ôl oddi wrth yr enillydd a dewis enillydd newydd.
13. Dosberthir y wobr i’r cyfeiriad a ddarperir os darperir yr holl fanylion gofynnol (dosberthir i’r DU yn unig).
14. Bydd penderfyniad yr hyrwyddwr mewn perthynas â phob mater sy’n ymwneud â’r gystadleuaeth yn derfynol, ac ni eir i unrhyw ohebiaeth.
15. Trwy gofrestru ar gyfer y gystadleuaeth hon, mae’r cystadleuydd yn dangos ei fod yn cytuno i ymrwymo wrth y telerau ac amodau hyn.
16. Llywodraethir y gystadleuaeth hon a’r telerau ac amodau hyn gan gyfraith Cymru a Lloegr, a bydd unrhyw anghydfodau yn ddarostyngedig i awdurdodaeth unigryw llysoedd Cymru a Lloegr.
17. Mae’r enillydd yn cytuno i’w enw a llun ohono gael eu defnyddio mewn unrhyw ddeunydd cyhoeddusrwydd, yn ogystal â’i gynnig. Bydd unrhyw ddata personol sy’n gysylltiedig â’r enillydd neu unrhyw gystadleuwyr eraill yn cael eu defnyddio’n unol â deddfwriaeth diogelu data gyfredol y DU yn unig, ac ni chânt eu datgelu i drydydd parti heb gael caniatâd y cystadleuydd ymlaen llaw.
18. Bydd enw’r enillwyr ar gael 28 diwrnod ar ôl y dyddiad cau trwy anfon neges e-bost i’r cyfeiriad canlynol: hello@vegpower.org.uk